El gripe yá ye epidemia n'Asturies

Sanidá contabiliza más de 300 casos que dirán en medría

La selmana pasada rexistráronse 309 casos de gripe por cada 100.000 habitantes. Una cifra que medrará nes selmanes vinientes.

Sanidá estima que'l gripe acompañarános hasta mediaos de xineru. El virus que circula ye'l B, ye'l que menos afecta a los mayores de 65 años.

Nestes últimes cuatro selmanes, dende qu'apareció'l virus, rexistráronse 38 ingresos nel área d'Uviéu, de los que cuatro son graves.

Dalgunes de les cepes del virus circulante tán inxertes na vacuna d'esti añu.

Hasta agora vacunáronse 181.073 persones, les más d'elles persones mayores. Quien nun lo fizo entovía ta a tiempu.

Les vacunes tán disponibles nos centros de salú y son de baldre.