El nuevu Bulevar de Santuyano cuntará con una ponte peatonal colgante na entrada d'Uviéu pela 'Y'

Una pasarela diseñada por Javier Manterola, autor de la famosa ponte de Barrios de L.luna

El nuevu modelu del Bulevar de Santuyano cuntará con una ponte peatonal colgante na entrada d’Uviéu pela autopista 'Y', diseñada pol estudiu de Javier Manterola, autor de la famosa ponte de Barrios de L.luna. Una obra complicada porque tratará de xunir Guillén Lafuerza, que ta separtáu pela vía, y tien los dos llaos a distintu desnivel.

El nuevu Bulevar Santuyano yá tien perfilada la so segunda fase d’actuación. Un grupu d’empreses lideraes pol estudiu de Javier Manterola, autor de la famosa ponte de Barrios de L.luna, redacta’l proyectu. La so idea ye construir una pasarela peatonal y colgante na entrada d’Uviéu pa xunir el barriu de Guillén Lafuerza, separtáu pel tramu de l’antigua autopista, y onde cada llau cunta con diferente desnivel.

Nel mesmu proyectu tresformaráse la parte derecha del Bulevar, la del llau del Palaciu de los Deportes. Dende esti puntu y hasta la futura ponte peatonal. Nel arcén actual construiráse una cera, una carril rápida pa bicis y corredores, y otra de sienda peatonal. Caltendránse, poro, les cuatro carriles de circulación de vehículos ensin quitar la mediana.

La tercer fase sedrá la construcción d’una nueva glorieta na metá del tramu interveníu. La primer actuación, que tien yá proyectu y les sos obres entamarán nun añu, sedrá’l cambéu de la glorieta de la Cruz Roja por otra denomada amorfa que, dicen, meyorará’l tráficu.

El martes, l’Ayuntamientu informará nun actu a tolos vecinos d’Uviéu interesaos en conocer los detalles de la primer fase.