El pabellón de Xixón na Fidma recibió 68.335 visitantes

La esposición sobre'l pasáu romanu de la villa algama cifres de récor

El pabellón del Ayuntamientu de Xixón na Feria Internacional de Muestres d'Asturies (Fidma) recibió 68.335 visitantes en 2019 y algamó'l tercer meyor rexistru de visites al stand del conceyu per detrás del dedicáu a los hermanos Castro, en 2018 y al comerciu local, en 2013.

El récor tienlu, con 94.644 visitantes, el de los hermanos Castro, siguíu del centráu nel comerciu local, con 75.383 persones, y detrás ta l'espaciu dedicáu a la ciudá del deporte, en 2016, con 62.099 visites.

El día de más visitantes foi'l sábadu, 12 d'agostu, cuando 8.241 visitaron el pabellón de Xixón qu'esti añu acoyó una esposición sobre'l pasáu romanu de la villa, informó l'Ayuntamientu.

La esposición buscaba dar a conocer l'acción romana en Xixón dende la conquista, nel sieglu II a.c, hasta la cayida del imperiu, el sieglu V d.c.

Pa ello, amás de la cartelería esplicativa l'amuesa ponía a disposición del usuariu gafes de realidá virtual o tecnoloxía de realidá aumentada que lu averaba a la dómina romana de Xixón.