El presidente del Principáu resalta l'espíritu de comunidá que creen les viviendes collaboratives
![Barbón en la primera piedra de las viviendas colaborativas de Llanera](https://www.rtpa.es/fotos//23/02/20230225134120_RTPA3171670.jpg)
Barbón asiste a la colocación de la primer piedra del complexu d'agospios 'Axuntase'
El presidente del Principáu d’Asturies, Adrián Barbón, resaltó esti sábadu’l "espíritu de comunidá" que conlleven los proyectos d’agospios collaborativos frente a los agrupamientos masivos nos que los vecinos malapenes se conocen.
Barbón, que foi a la colocación de la primer piedra del complexu d’agospios collaborativos 'Axuntase', un modelu precursor n’Asturies, solliñó que la pandemia del coronavirus enseñó que la forma na que se vivió hasta agora "nun ye una forma caltenible" y que "munches vegaes nun ye accesible pa munches persones".
Dixo que les viviendes collaboratives "marquen un camín" y espera que "en pocu tiempu, dientro de dos años", esti proyectu qu’entama a construyise güei en Llanera seya realidá.
"Falamos d’una manera, una forma de vivir que camudará los vezos y, si me dexen, aseméyase a como vivíamos enantes, más en comunidá, con espíritu colectivu", recalcó Barbón.
Pa rematar, apuntó qu'esti proyectu nun acueye namás a persones mayores, como pasa n’otres iniciatives, sinón que ta abiertu a persones de toles edaes y señaló les torgues que tuvo nos sos entamos por mor de que n’Asturies nun había regulación
Xurídica sobre esti tipu de proyectu.