El proyectu 'Aldea 0' busca contribuyir a una nueva economía social nos pueblos

Nun se refuga que puea estendese a más aldegues​

Con cuatro aldegues esperimentales n'Asturies, el proyectu pilotu 'Aldea 0' busca crear un nuevu modelu d'economía pa los pequeños llugares que puea copiase y que dexe rellanzar la manera de vida rural, anguaño en claru retrocesu.

Pa llogralo, la exa principal van ser los ganaderos y llabradores xunto coles pequeñes empreses y tamién se va apostar por un autoabastecimientu enerxéticu d'estes poblaciones.

Unes bases que busquen caltener la cultura de trabayu y subsistencia tradicional y na que tamién s'escuchará a quien dedicó ellí la so vida.

Negocios abiertos a la innovación, un apueste bultable pola tecnoloxía y dotar a los pueblos de tolos servicios básicos, van ser pautes fundamentales pal ésitu d'esti modelu alternativu.