El rei Felipe intervieno como príncipe nel primer Pueblu Exemplar

Los vecinos de San Esteban de Cuñaba recuerden aquella xornada con cariñu

Güei ye Asiegu, en Cabrales, y fai cuasi 30 años, San Esteban de Cuñaba, en Peñamellera Baxa, foi la primer intervención d’un miembru de la Familia Real nuna circunstancia asemeyada. Intervieno, por supuesto, l’entós príncipe Felipe, güei rei d’España. Foi en 1990 y yá entós yera un problema’l despoblamientu.

Esi día supo, l’entós príncipe, qu’una de les vecines del llugar taba embaranzada. Un fechu insólitu porque facía 20 años que nun nacía naide ellí. El ñácaru llegó n’avientu y entós la FPA faló cola familia pa que l’anguaño rei lu apadrinare.

Ventinueve años más tarde de que’l príncipe d’Asturies visitará, per primer vegada, el primer Pueblu Exemplar d’Asturies, la so fía, la princesa Leonor, emula a so padre n’otru pequeñu pueblu asitiáu a les puertes de Los Picos d’Europa.

De la ventena de vecinos que daquella vivíen nel pueblu de Peñamellera Baxa, namái queden seis residentes. Unos cuantos finaron y otros munchos, como l’afiáu del rei, emigraron a la ciudá en busca de nueves oportunidaees.

San Esteban de Cuñaba foi’l primer Pueblu Exemplar d’Asturies pola conservación de la naturaleza, la recuperación d‘un núcleu ancestral de población y pol so espíritu solidariu de calter exemplar.