El sector turísticu quéxase d'alarmismu

El coronavirus ta frenando les reserves y yá llegaron delles cancelaciones

El sector turísticu ta intranquilu, quéxase d'alarmismu. El coronavirus ta frenando les reserves y yá llegaron delles cancelaciones.

Esta esmolición ye la que llevó a un colectivu d'empreses del Principáu a espublizar una encuesta ente la población española. Quieren conocer la so intención de viaxe en función d'un perfil d'edá, orixe y situación familiar.

En namái dos díes el Club d'empreses de turismu de negocios llogró yá un millar de respuestes. Van sacar conclusiones a partir de les 10.000.

Unu de los escenarios que remanen ye que'l precuru por dir a destinos estranxeros puea suponer un revulsivu pal turismu nacional dientro del nuesu territoriu.