El xuez anula la compatibilidá de Cuesta como conceyal d'Uviéu y abogáu

La norma ye "cristalina"

El Xulgáu de lo Contencioso-Alministrativo númberu 3 d'Uviéu anuló l'alcuerdu del plenu del Conceyu d'Uviéu del pasáu 2 de marzu pol qu'autorizó al conceyal de Ciudadanos Ignacio Cuesta a desempeñar el so cargu n'Urbanismu en réxime de dedicación esclusiva col exerciciu profesional de l'Abogacía al considerar que la so actividá nun ye marxinal.

Na sentencia, que nun ye firme, el xuez sostién que'l Conceyu d'Uviéu escaeció “a costafecha” la Llei d'Incompatibilidaes al autorizar al edil de Ciudadanos a compatibilizar el so cargu de conceyal del equipu de Gobiernu col exerciciu de l'Abogacía, porque la norma ye “cristalina” escontra de que se dedique a l'actividá profesional quitada polo menos la metá de la xornada selmanal ordinaria de trabayu.

Cuesta pidiera compatibilizar dambes funciones pa les que tendría una dedicación inferior a la metá de la xornada llaboral selmanal del Conceyu d'Uviéu.​