El xuiciu pol crime de Javier Ardines retómase con más declaraciones de los investigadores

La Guardia Civil niega les presiones a Benatia na investigación

Mañana retomaráse’l xuiciu pol crime de Javier Ardines. Quieren que declaren los investigadores de la UCO qu’entá nun pudieron testificar por mor de lo llargos que tán resultando los interrogatorios.

Hasta agora les defenses centraron la so estratexa en tratar de demostrar que los axentes llegaron a ún de los presuntos sicarios, Djilali Benatia, al traviés de la confesión d’otru de los acusaos, Jesús Muguruza. La declaración d’esti quedó anulada pol Tribunal Superior de Xusticia al considerar que se vulneraron los sos derechos.

Les defenses tamién insistieron en que la confesión de Benatia​ foi, según declaró, baxo presiones y en que na escena del crime nun apaecieron restos d’ADN de los supuestos sicarios.