El xuráu entama a deliberar sobre l'asesinatu de Javier Ardines

Los nueve miembros del xuráu recibieron l'oxetu de veredictu

El xuráu popular del xuiciu pol asesinatu del conceyal d’IX de Llanes Javier Ardines recibió esti llunes l’oxetu de veredictu pa entamar les deliberaciones sobre la culpabilidá o non culpabilidá de los cuatro acusaos.

Los nueve miembros del xuráu -cuatro muyeres y cinco homes- tendrán na so decisión el futuru de los cuatro acusaos: Pedro N.A., señaláu como presuntu inductor, Djilali B. y Maamar K. como presuntos sicarios, y Jesús M., como l’home que medió ente ellos, pa los que la Fiscalía y l’acusación particular piden 25 años de prisión frente a la llibre absolución que reclamen les sos defenses.