Elecciones sindicales en sanidá

Los cuasi 17.000 trabayadores estatutarios del Sespa tán llamaos a les urnes

7:30 y empiecen les elecciones na sanidá asturiana.

La del Hospital Central d'Asturies ye la mesa más grande de les 8 árees sanitaries. Nel área sanitaria IV con cabecera nel HUCA trabayen 6.000 profesionales Sespa; nos anteriores comicios votaron aproximadamente'l 50%. Y la participación total rondó'l 64%. Precisamente, un llamamientu a votar ye lo que faen los sindicatos que se presenten, ocho, unu más qu'en 2019.

Estos comicios son pal personal estatutariu, la mayoría del Sespa. Escueyen a los delegaos sindicales que van integrar les Xuntes de personal de cada área sanitaria. Los llaborales tamién van tener cita coles urnes esti 2023, con fecha por concretar.