Ellaboren el mapa más completu de finxos de carretera

Correspuende a Asturies y nél apaecen xeolocalizaos cuasi 500 indicativos kilométricos

Un aficionáu ellaboró'l mapa más completu de finxos de carretera de cuantos hai n'España.

Correspuende a Asturies y nél apaecen xeolocalizaos cuasi 500 indicativos kilométricos. Ye'l primeru amás en recoyer los finxos anteriores a 1939.

Los 490 finxos tán personalizaos con un iconu según el tipu y un enllaz pa velos en Street View o na galería de semeyes d'una rede social. Incluyen datos sobro la so hestoria y de la vía na que tán allugaos.

Esti amante de la carretera, Adrián Costales, denuncia l'abandonu que sufre esti patrimoniu.