Empieza la instalación de los tirantes que van suxetar la ponte de l'harpa del Bulevar de Santuyano

Los trabayos consisten en fondiar estes pieces d'aceru al mástil central

N'Uviéu empezó l'allugamientu de los tirantes metálicos que van suxetar la pasarela sobro l'autopista, conocida como l'harpa del bulevar de Santuyano.

Son unes xeres complexes que suponen fondiar estes pieces d'aceru al mástil central y nes qu'intervienen dos grúes. Espérase que los 20 tirantes tean asitiaos yá'l martes.

A partir d'esi día, entamaráse a tensalos pa que queden ríxidos y puean aguantar el pesu de la ponte. Pa esos llabores van tener que facese cortes parciales de tráficu.

L'oxetivu ye abrir la ponte a los peatones nes primeres selmanes del mes de mayu.