Ence Navia fabrica pasta de celulosa pa bandexes alimentaries

La papelera espera qu'esta nueva llinia de producción tenga un gran desendolcu

Ence Navia fabrica una pasta especial pa facer bandexes p’alimentación, pero de papel. El productu ta yá nel mercáu dempués de meses d’investigación y pruebes gracies a la xunión ente Ence y PackBenefit.

La papelera espera qu’esta nueva llinia de producción tenga un gran desendolcu. Dende 2021 n’Europa ta prohibíu’l plásticu d’un usu namás y la industria alimentaria ta buscando envases alternativos como los fechos con pasta de papel.

Estes bandexes tienen enagora más pidíos que capacidá de producción.

Ence ta apostando por esti tipu de desendolcos con más valor amestáu que la pasta de papel tradicional. Los productos especiales d’Ence Anvanced qu’inxerten celulosa avanzao como esto, suponen yá’l 14% de les sos ventes totales.