Enrique Granda conduz el primer taxi eléctricu de Grau

El conceyu enchúfase al vehículu que nun contamina y nun fai ruíu

El primer taxi eléctricu de Grau yá circula peles cais de la villa moscona. Al volante, un emprendedor moscón, Enrique Granda, que se fizo cola primer llicencia en venta en dos décades.

Enrique estrénase na profesión al volante d’un vehículu d’alta gama, 100% eléctricu.

A pesar de la importante inversión de la compra del so coche, a Enrique sálen-y les cuentes col aforru en combustible. L’autonomía tampoco ye un problema, porque ye compatible colos sos servicios diarios.

El so teléfonu nun dexa de sonar. Enrique tien yá una llista fixa de veceros, munchos d’ellos vecinos y conocíos de tola vida. Los sos servicios son los avezaos d’un taxista rural.

Ente carrera y carrera, sucédense les histories de los que s’enfrenten al so primer viaxe sostenible.

Grau enchúfase asina al vehículu que nun contamina y nun fai ruíu. Pa munchos un robó de cuatro ruedes, que pa Enrique ye’l futuru y el so presente.