Ensayos pa los actos pel Día de les Fuerces Armaes

El rei va presidir mañana una revista naval y un desfile aereu en Xixón

Crez l'ambiente militar según se va averando'l Día de les Fuerces Armaes . L'oxetivu ye que la xente conoza toles sos actividaes. El día grande d'exhibiciones va ser esti sábadu y güei empezaron los ensayos, señala'l comandante Amador Mateos.

Ye la primer vegada que l'acuartelamientu de Cabu Noval entama actos oficiales. Tienen ganes y amás ta previstu bon tiempu. Según se va averando'l sábadu, la xente amuesa más interés.

Tamién en Xixón aliéndase ambiente militar, especialmente nel mar. Dellos curiosos nun se quixeron perder los primeros preparativos. Los aviones tampoco faltaron nesta xornada.

El rei va presidir mañana, vienres, en San Llorienzo, en Xixón, una revista naval, formada por ocho buques y una embarcación, y un desfile aereu, con más de setenta naves, como antoxana del actu central del Día de les Fuerces Armaes que se va celebrar el sábadu n'Uviéu.