Entra en serviciu el 'María de Jesús', el cuartu atuneru d'Armón pa Grupomar

El buque conxelador de 79,23 metros d'eslora va salir nos próximos díes pa México

El 'María de Jesús', un buque conxelador de 79,23 metros d'eslora, el cuartu atuneru d'eses característiques construyíu por Astilleru Armón, va salir nos próximos díes pa México pa sumase a la flota pesquera de la empresa Grupomar.

El cai de Xixón acoyó esti miércoles la ceremonia d'amadrinamientu y embanderamientu del buque, na que participaron el presidente del Principáu, Adríán Barbón y el presidente de Grupomar, Antonio Suárez, que va ser nomáu fíu predilectu d'Asturies. Esi nomamientu va ser ratificáu mañana pol Conseyu de Gobiernu autonómicu.

Al actu asistieron un bon númberu de dirixentes políticos, representantes del ámbitu empresarial, diplomáticos y l'embaxador de México n'España, Quirino Ordaz, ente otros.