Espérense más de tres millones de desplazamientos na operación salida

La gasolina algama'l so preciu más baxu dende marzu

La DXT prevé pa esti mes cuasi 1 millón de desplazamientos n’Asturies. Nesti periodu coinciden en carretera los que lleguen equí a pasar les sos vacaciones, colos que marchen. Tresllaos vacacionales que tamién se dexaron sentir nes estaciones d’autobuses. Y a pesar del branu que llevamos, los turistes destacaron el clima d’Asturies.

Pa los que prefieren los raíles. Renfe punxo más de 15 mil billetes promocionales p’Asturies y Galicia. Destaca que la medría na ufierta de places ye pol inxerimientu de los nuevos servicios de la so llinia Avlo 106, que son, precisamente, los que fadrán el trayectu ente Asturies y Madrid. Y tamién por servicios como l’Alvia Avilés-Madrid.

Anque siempres hai marxe de meyora. Y tamién tán a los que se-yos acaba’l descansu. L’Avlo d’Asturies, xunto col Alvia d’Avilés, suponen una medría de cerca de 9.400 places selmanales.

La gasolina algama’l so preciu más baxu dende marzu

La gasolina algamó’l so preciu más baxu dende marzu, a les puertes de la Operación Salida. El llitru de gasolina pagóse la selmana pasada a 1,611 euros, que ye cuasi un 0,4% menos, cifra que representa la tercer cayida siguida. Ye’l nivel más baxu dende entamos del marzu pasáu.

El gasoleu, per parte de so, costó 1,483 euros el llitru, un 0,6% menos, na que foi la so segunda baxada siguida. Nel últimu mes, la gasolina baxó un 0,6%, mientres que’l gasoleu fízolo en más d’un 0,3%. Nesti escenariu de baxaes millones de conductores encaren la ‘Operación Salida’ a les sos vacaciones de branu.