Espertes en xéneru piden prohibir la pornografía dafechu

Espertes en xéneru piden prohibir la pornografía, por ser una de les causes de la medría de les agresiones sexuales y violencia de xéneru na infancia y adolescencia. Creen que fai falta que s’imparta educación afectivo-sexual dende la escuela. Asina lo asegura Angélica Velasco, profesora de Filosofía moral y miembru de la Cátedra d’Estudios de Xéneru de la Universidá de Valladolid.

Consideren imprescindible acabar col mieu, la vergoña y el sentimientu de culpa que paraliza a munches muyeres a la hora de denunciar. Según espliquen, los traumes de la infancia puen llegar hasta la edá adulta, cuando ye más difícil tratalos. Asina lo asegura Ángeles Castellanos, de l’asociación de muyeres La Trébede.

Los datos tán amosando que’l Centru de Crisis pa Víctimes d’Agresiones Sexuales d’Asturies, ta animando a les muyeres a la hora de denunciar, al sentise acompañaes nel procesu, como cunta Manuela Suárez, coordinadora escontra la violencia de xéneru del Institutu Asturianu de la Muyer.