Espertos piden impulsar la investigación de recursos d'agua soterraño

Asturies tien 3.000 hectómetros cúbicos d'agua so tierra

Si Asturies s'enfrentara a un problema de suministru d'agua nun sedría necesario construyir un nuevu banzáu, según afirma'l presidente del colexu de xeólogos, José Antonio Sáez de Santamaría.

Sáez de Santamaría súmase al llamamientu de les tres principales asociaciones de hidroxeólogos del país pa esixir a les alministraciones qu'impulsen la investigación de los recursos d'agua esistente so tierra como una ferramienta cimera pa parar la seca. Daqué imprescindible, apunta, na planificación de l'área metropolitana de la rexón.

Calcúlase que n'Asturies hai unos 3.000 hectómetros cúbicos d'agua soterraño esplotable. Nun ye tanto agua como na superficie pero, conseñen los espertos, ufierten un suministru más siguíu y resistente a les variaciones climátiques.