EspoCamp axunta n'Avilés a 60 empreses de turismu de natura y aventura

N'Asturies hai 26 empreses qu'ufierten n'arriendu 116 vehículos pa la práctica del camping

El Pabellón de Congresos y Esposiciones La Madalena, d'Avilés, va acoyer el próximu fin de selmana la tercer edición del Salón del Campismu y Turismu d'Aventura del Principáu d'Asturies, EspoCamp, cola participación de 60 empreses del sector de dolce comunidaes autónomes.

N'Asturies, hai 26 empreses qu'ufierten n'arriendu 116 autocaravanes y otru tipu de vehículos pa la práctica del camping, que supón una facturación añal d'unos 2,6 millones d'euros.

Y ye que según indicaron los representantes del sector, los cámpings asturianos, primero los d'occidente y dempués los del centru y l'oriente, tán enllenándose yá, per esi orde, con vista a les campañes de Selmana Santa y branu, con amplia ocupación.