Estudiantes d'EE.XX faen práctiques d'investigación na Facultá de Químiques

La Universidá d'Uviéu y la Universidá de Texes collaboren nun programa de movilidá

La Universidá d'Uviéu y la Universidá de Texes, n'Estaos Xuníos, collaboren nun programa de movilidá. Dos estudiantes americanos d'inxeniería biomédica faen estos meses práctiques d'investigación na Facultá de Químiques d'Uviéu.

Ava Takehaka tien 19 años y Jad Wardeh, 21. Dambos son estudiantes universitarios d'Estaos Xuníos y hasta finales de xunetu faen práctiques d'investigación na Facultá de Químiques de la Universidá d'Uviéu.

Apliquen les conocencies garraes na universidá a una investigación clínica real. Un proyectu que, aseguren, ta dexándo-yos medrar tanto nel ámbitu académicu como nel personal.

Anque supúnxo-yos un desafíu, nun duldaron n'encamentar la esperiencia.

Al rematar la so estancia, los estudiantes van ellaborar un informe recoyendo'l trabayu que ficieron na Universidá d'Uviéu y evaluando la so vida n'Asturies. Esti informe va presentase énte entidaes académiques y organizaciones empresariales del so país d'orixe.