Webcams
Buscar
Éxitu total del Parque Acuáticu de Corvera nel so primer fin de selmana abiertu al publicu
La gran afluencia de públicu provoca incidencies coles entraes
El PACO colgaba esta mañana’l cartelu d’aforu completu malapenes 4 minutos dempués de que les entraes salieren a la venta na web. Daqué asemeyao pasó ayeri, y ye qu’esti fin de selmana pasaron peles instalaciones un total de 1.040 persones.
El balance que fai l’alcalde de Corvera, Iván Fernández, ye positivu, anque dende’l consistoriu son conscientes de qu’hai coses que meyorar.
La quexa énte problemes d’organización al respective de la venta d’entraes ye xeneralizada.
Inclusive hai quien intentó colase nes instalaciones per una de les salíes d’emerxencia, lo que provocó l’actuación de la policía.
Dende l’Ayuntamientu yá tán estudiando la posibilidá d’ampliar l’aforu del parque, pa dar serviciu a tolos asturianos y turistes que quieren dase un calón.
