Webcams
Buscar
Más del 40% de los trabayos del conceyu tán venceyaos col sector primariu
Falar de Tapia ye falar de pesca. Históricamente'l negociu de la mar dio de comer a decenes de persones nesti conceyu, güei esa situación ye mui distinta.
Los pescadores profesionales son equí una especie en desaniciu y enagora son munchos más los que se dediquen a la pesca como entretenimientu o pa ganar unos euros col so pequeñu bote de madera o fibra.
A pesar d'ello, más el 40% de los trabayos del conceyu tán venceyaos col sector primariu.
La xera ganadera sigue mui fuerte, siendo unu de los conceyos asturianos con una mayor especialización nel sector de la lleche. Rocío ye unu d'esos exemplos de pasión pola ganadería. Tenía 6 años cuando entró una vaca per primer vegada na so casa y enagora dedícase profesionalmente a esti negociu.
El futuru pasa pol sector servicios. Cerca del 40% de los trabayos en Tapia tán na hostelería y el comerciu. El branu y la Selmana Santa tiran del trabayu añu a añu. Eventos como'l Campeonatu de Surf, el Festival Intercélticu o la Feria Campomar son referentes fundamentales a la hora de decidir venir al conceyu.
L'oxetivu principal ye desestacionalizar el turismu, algamar potenciar eventos n'otros momentos del añu onde l'afluyencia de visitantes ye mucho menor.
