Febreru ye'l mes por escelencia pa la poda de les mazanales

Un llabor fundamental pa garantizar la salú de les plantaciones

A pesar de la falta de fríu, y les temperatures más altes que davezu, nes pumaraes entamaron coles podes de les mazanales. Los sos propietarios dicen que nun afecta esti tiempu inusual porque agora la salvia entá nun ta fresco y, poro, nun se perxudica la so medría. Ye un llabor fundamental pa garantizar la salú de les plantaciones y tratar de caltener relativamente estable la so producción.

Equipaos dafechu, José Manuel Sopeña, padre, y la fía Elena Sopeña, trabayen estos díes na finca teniendo clares les pautes a siguir. Una de les más importantes ye eliminar les cañes rotes pa caltener la salú del árbol y eliminar aquelles que se crucen pa facilitar la entrada de lluz solar.

Una pasión dende va munchos años que se ve hasta nos pequeños detalles como nun dexar cañes grandes en suelu pa facilitar l’esbroce. Una poda que na so finca de seis hectárees y más d’una docena de variedaes llevaría-yos acabala 20 díes.

Otru de los sos oxetivos ye tratar d’amenorgar l’impactu de la vecería na producción, llabor pa la que siguen esperimentando en busca de la meyor solución.