Fernández plantega una reestructuración na cúpula rexonal del PP pa evitar l'acumulación de cargos

La presidenta de los populares va implicase nes negociaciones de pactos nos conceyos

Mercedes Fernández entama cambeos na dirección rexonal del partíu. Tres el tirante comité executivu d'ayeri nel que públicamente Fernández y Teresa Mallada espunxeron les sos diferencies nel análisis del resultáu electoral, la presidenta quier remocicar la cúpula pa qu'una persona nun puea atropar más d'un cargu.

La so intención ye plantegar esa reestructuración nel próximu comité executivu rexonal. Según pudimos saber, Mercedes Fernández quixo tamién dexar claro depués de que se cerraren les puertes a los medios, que se va implicar, como presidenta del partíu, nes negociaciones de posibles pactos con otros partíos nos distintos conceyos.

Unes negociaciones pa les que'l sector cercanu a Mallada, col preste de Génova, tamién nomó una comisión formada pol candidatu del PP en Mieres, José Manuel Rodríguez 'Lito' y Álvaro Queipo, de Castropol.