Fernández robla’l decretu de convocatoria de les elecciones autonómiques

Presidentes y xuntes de les 39 parroquies rurales anovaránse’l 26 de mayu

El presidente del Principáu, Javier Fernández, robló güei’l decretu pol que se convoquen les elecciones a la Xunta Xeneral qu’entrará en vigor mañana, dempués del so asoleyamientu nel Boletín Oficial del Principáu (Bopa).

Asina, según informó’l Gobiernu, quedarán oficialmente convocaes les elecciones que se celebrarán el domingu 26 de mayu según recueye l’artículu 25.4 del Estatutu d’Autonomía.

Presidentes y xuntes de les 39 parroquies rurales anovaránse’l 26 de mayu

El Conseyu de Gobiernu aprobó güei nuna xunta estraordinaria’l decretu de convocatoria d’elecciones a la presidencia de les 39 parroquies rurales del Principáu, que sedrá’l 26 de mayu viniente, fecha na que coincidirán les elecciones locales, autonómiques y al Parllamentu Européu.