Festival d'educación y emprendimientu d'escolinos en Xixón

L'oxetivu ye desenvolver mentes actives que tengan la valentía d'algamar los sos suaños   

Ochocientos escolinos de Primaria d'Asturies, Castiella y Lleón y Madrid participen güei na primer edición del Festival Nacional d'Educación y Emprendimientu. Llaboral Centru d'Arte acueye esti alcuentru que, al traviés de distintes charres y talleres, quier fomentar el calter entamador ente l'alumnáu.

Al traviés de cinco árees distintes peles que los colexos van pasando de forma rotatoria, l'alumnáu recibe formación n'habilidaes rellacionaes coles nueves tecnoloxíes, la comunicación, el trabayu n'equipu o'l lideralgu. D'ello encárgase un grupu d'especialistes.

Quier fomentar una actitú proactiva en materia d'emprendimientu ente quien represente'l futuru de la nuesa sociedá.

Los alumnos dan equí continuidá a lo deprendío nos sos centros.

L'oxetivu ye desenvolver mentes actives que tengan la valentía d'algamar los sos suaños al traviés del emprendimientu.