Webcams
Buscar
Sigue venceyáu a la fundación de manera activa
Luis Manuel Flórez, 'Floro', creador de Proyectu Home y responsable n'Asturies de la entidá per 33 años, llogró con ayuda del so equipu rehabilitar a 3.000 mozos adictos. Yá xubiláu, sigue venceyáu a la fundación de manera activa pero amás tien tiempu pa escribir un llibru sobre la so hestoria.
Ex-xesuita, empecipió'l proyectu nel Madrid de los 80 a imaxe del primer centru que se creó n'Italia, ayudando a los primeros yonkis y a unes families que nun entendíen lo que pasaba.
Yera 1988 y abríase la primer sede en La Calzada, treslladada depués a El Natahoyo. Dempués llegaron otres n'Asturies como la d'Uviéu, n'El Postigu, o Mieres. La droga golpiaba, sobre manera la heroína. Agora atienden tamién otres adicciones como l'alcohol o'l xuegu.
Colgó la sotana en 1991 pa formar una familia, a la que dedica más tiempu, yá xubiláu.
El so ésitu y el de los sos mozos tuvo'l sofitu d'instituciones, gobiernos y premios como les Medayes de Plata d'Asturies o Xixón. Tamién de famosos, como la donación que fixo Bruce Springsteen tres el so conciertu en Xixón en 2013.
Anécdotes que nun se perderán. Yá escribió un llibru sobro la Hestoria de Proyectu Home y prepara otru centráu n'Asturies.
