Fomentu cree que la puesta en marcha del metrotrén tien que compatibilizase cola de la nueva estación intermodal

De la Serna apura a les empreses interesaes na Autopista del Mar a que concreten el so interés

El ministru de Fomentu, Íñigo de la Serna, cree que la puesta en marcha del metrotrén, en Xixón, tien que compatibilizase cola de la nueva estación intermodal pa evitar gastos innecesarios.

La última palabra, eso sí, matiza, van tenela los informes técnicos qu'encargaron sobro esta infraestructura. Nestos momentos, conseña, tase nuna fase inicial analizando cómo pue sacase del túnel l'agua que se filtró y, coles mesmes, estudiando les conexones con otres redes ferroviaries.

En setiembre, Fomentu va presentar los pliegos pal proyectu de construcción de la estación intermodal y nun ta previsto qu'entre en serviciu enantes de 2024.

Per otru llau, De la Serna apura a les empreses interesaes na Autopista del Mar a que concreten el so interés n'esplotar la llinia. Recuerda qu'en malapenes tres meses, en payares, salen les ayudes europees a les que puen optar pa disponer de más recursos pa la so esplotación.