Fomentu destina mediu millón d’euros pa obres nel Chao Samartín

Les primeres actuaciones sedrán d’emerxencia

Asturies recibirá de Fomentu 1,1 millones del 1,5% cultural pa tres actuaciones nel so patrimoniu. La más significativa ta en Grandas de Salime, onde se llevarán alantre obres d’emerxencia nel castru del Chao Samartín.

Dende va años vienen demandándose actuaciones urxentes pa garantizar el so caltenimientu. Les primeres actuaciones sedrán d’emerxencia, poro, entamarán darréu.

Les demás dirán encaminaes a meyorar l’aspectu d’un recintu fortificáu fundáu a finales de la Edá del Bronce y que tuvo habitáu hasta’l sieglu II dempués de Cristo. Dende’l consistoriu destácase l’impulsu lleváu alantre dende Cultura.

En dos años invertiránse 740.000 euros. El Gobiernu central aportará mediu millón d’euros y lo demás, Principáu y Ayuntamientu.