Fontes d’Inviernu, una estación que da vida al conceyu

Dempués de más d’una década convirtióse nunu de los motores d’Ayer

Fontes d’Iviernu ye la estación d’esquí más moza de la península, cumplió 13 años a finales del pasáu mes de marzu.

La orientación al norte fai posible que la tan ansiada ñeve cada temporada, aguante. Asitiada na vertiente asturiana d’El Puertu San Isidro nació pa sumar en plena reconversión industrial del conceyu y dempués más d’una década convirtióse nunu de los sos motores.

Las crisis sanitaria adelantó’l pieslle de la temporada, una de les meyores de la so historia. Ensin la Selmana Santa, les grandes feches como la ponte de la Constitución, Navidaes, Reis y Anteoxu rexistraron una ocupación plena.

Amás, más de 60 colexos y más de 2.300 estudiantes esfrutaron de les sos instalaciones.

Un entramáu ivernal que da vida al conceyu y repercute nos sos negocios. El turismu venceyáu a la ñeve atrái a visitantes de toa Asturies, de comunidaes vecines qu’allarguen los agospios; una media de tres nueches esta temporada. Amás rexistróse una medría nos díes de selmana.

Nevaria, la feria del turismu de la ñeve y el monte que se celebra cada mes d’avientu convirtióse en referente a nivel nacional dempués 13 ediciones.

Aller Experiencias, l’asociación qu’aconceya 53 empreses turístiques del conceyu, idea nuevos proyectos. Tamién se proyecten rutes cicloturistes y esfrutar de Fontes d’Iviernu más allá de la ñeve.