Ganaderos asturianos lleven al centru d'Uviéu la so protesta escontra'l llobu

Asturies va recurrir la protección especial del llobu al invadir competencies

Los ganaderos asturianos, convocaos polos sindicatos agrarios COAG y Asaja llevaron esti vienres al centru d'Uviéu la so protesta escontra la protección del llobu nuna caravana de coches dende dellos puntos de la comunidá autónoma.

La "caravana del llobu" tuvo formada por decenes de coches que llevaben cintes y globos verdes, y cartelos col lema "menos llobos, más ganaderos", y dalgunos de los sos ocupantes fixeron sonar llueques.

La caravana, que venía de Navia, Les Arriondes, Curniana y Colunga, llegó al parque San Francisco d'Uviéu pasaes les 11:30.

El Gobiernu del Principáu va presentar un recursu por invasión de competencies si'l Ministeriu pa la Transición Ecolóxica inclúi finalmente al llobu nel Llistáu d'Especies de Protección Especial (Lespre), lo qu'enzancaría la xestión qu'agora se fai de la especie na comunidá autónoma.