Xixón va tener per primer vegada una Dirección Xeneral d'Igualdá

Ana González fizo esti anunciu na inauguración de la XVI Escuela de Feminismu Rosario Acuña

El Conceyu de Xixón va cuntar per primer vegada con una Dirección Xeneral d'Igualdá de Muyeres y Homes col fin d'impulsar estes polítiques en toles estayes del Consistoriu, avanzó l'alcaldesa, Ana González.

La rexidora fixo esti anunciu na inauguración de la XVI Escuela de Feminismu Rosario Acuña, onde desplicó que la Dirección Xeneral va depender de l'Alcaldía y va tener el mandatu de faer tresversales les polítiques d'igualdá "en toles estayes del Conceyu".

L'oxetivu, desplicó, ye qu'enantes d'aplicar les distintes polítiques municipales se faiga una reflexón sobro cómo caúna d'elles pue avanzar na consecución de la igualdá real.

"Cuanta más desigualdá quieren imponenos, el Conceyu de Xixón va responder con más igualdá y profundización nes polítiques d'igualdá", remarcó González, qu'avanzó que'l Consistoriu va impulsar la escuela feminista y va buscar un espaciu nel que quepa más xente.

González sollertó de que surdió un intentu de volver robar a la muyer los sos derechos y la so llibertá con dos estratexes distintes, una dende "reivindicaciones feministes que s'alloñen del feminismu" y otra, "dende la negación más absoluta del derechu a la igualdá".

La filosofa Amelia Valcárcel consideró que cola irrupción de nuevos partíos como Vox nun van facer recular llibertaes n'Occidente, sinón que lo que más fai recular les llibertaes ye que nun funcione'l sistema económicu y que la xente tea en paru.