Gondán construirá un buque non tripuláu qu'amenorgará les sos emisiones de CO2 nun 90%

El diseñu del buque non tripuláu tará al cargu de Salt Ship Design

Gondán Shipbuilders axudicóse un contratu pa construyir un buque non tripuláu d’orientación remota -USV: Uncrewed Surface Vessel-, destináu a misiones de mantenimientu y inspección submarina pal armador noruegu USV A/S, que sedrá capaz d’amenorgar les emisiones de CO2 en más d’un 90% en comparación con buques offshore convencionales.

Nun comunicáu, la empresa asturiana informó esti martes de qu’esta collaboración estratéxica involucra al armador noruegu y a compañíes líder del sector como DeepOcean, Solstad y Østensjø Rederi, y apuntó qu’esti primer buque USV que construye tará preparáu pa operar en 2025.

El diseñu del buque non tripuláu tará al cargu de Salt Ship Design, reconocida firma noruega especializada nel diseñu d’embarcaciones marítimes y operará n’agua de Noruega.