Gondán construirá un nuevu buque pa la noruega Edda Wind

L'astilleru afítase "como motor del occidente asturianu"

Astilleros Gondán axudicóse un contratu pa construyir un buque pa la empresa Edda Wind, perteneciente a la noruega Østensjø, lo que supón l’octavu proyectu encargáu al astilleru asturianu por esti grupu pal sector de la enerxía anovable.

El buque, con diseñu de la firma noruega Salt Ship Design, sedrá’l décimu de la flota d’Edda Wind, que según recalcó Gondán esti martes nun comunicáu, "cunta colos barcos más ecolóxicos y eficientes del mundu del so tipu pa poder dar servicios en parques eólicos marinos".

Gondán recalcó la medría de la industria de la enerxía anovable marín, onde l’astilleru asturianu afitóse como constructor de referencia.

Esti nuevu contratu da continuidá a la carga de trabayu del astilleru y afita a Gondán "como motor del occidente asturianu ".