Gotéu constante de visitantes en Cadavéu, dempués de la declaración como Pueblu Exemplar

El pueblu valdesanu aspira a convertise en destín atractivu pal turismu

Cadavéu tardó güei daqué más que davezu en espertar. Dalgunos entá nun creen que son Pueblu Exemplar.

El pueblu tuvo un gotéu constante de visitantes. Sobre manera, nos requexos más icónicos, como El Campu la Regalina.

Munchos lleguen atrayíos pola noticia del galardón. Otros, sicasí, desconocíen que la familia real visitará’l pueblu en menos de dos meses.