Homenaxe en Grau a tres moscones asesinaos en Mauthausen

Inauguración d'una escultura en recuerdu de Trinatario, José Manuel y Antonio

Los tres moscones asesinaos en Mauthausen yá tán de dalguna manera en casa. Grau inauguró esta mañana la escultura que recuerda a Trinatario, José Manuel y Antonio, represaliaos nel campu de Concentración. Un actu mui emotivu en presencia de familiares y autoridaes, y nel que se quixo homenaxear a les víctimes.

Flores y llárimes pa Trinitario, Antonio y José Manuel, los tres moscones que morrieron asesinaos nel campu de concentración de Mauthausen y que, de dalguna manera, dende güei volvieron a casa col descubrimientu d’esti monolitu nel so recuerdu.

Un pocu d’aliviu pa Rosario Sánchez, de 83 años, fía de José Manuel, represaliáu pol nazismu, al que malapenes pudo conocer.

La escultura amuesa les cares en bronce de los tres represaliaos, inxertos en bloques de formigón, como los que-yos mandaben cargar nel campu de concentración. Obra de Juan de la Fuente, descendiente tamién d’una de les víctimes.

Víctimes d’una guerra como lo son les que ta produciendo estos díes el conflictu n’Ucraína.

Poro, l’actu foi una manera tamién d’alvertir sobre los errores del pasáu que nun tienen que volver a cometese.