Hunosa va axustar el futuru del Pozu Nicolasa cuando La Pereda dexe de quemar carbón​

Gregorio Rabanal considera coxuntural l'actual crisis enerxética

La central térmica de La Pereda, d'Hunosa, va quemar biomasa, previsiblemente en 2025 una vez s'adapte la instalación. La quema de biomasa va ser del 90%, y un 10% va ser CSR.

Nuna entrevista en TPA Noticies Matinal, el presidente d'Hunosa, Gregorio Rabanal, esplicó que la quema de biomasa, va suponer el fin del carbón en La Pereda, carbón que se saca del Pozu Nicolasa y que podría suponer el so zarru en 2025.

Hunosa llogra'l 52% de los sos ingresos pola venta d'enerxía, pero considera coxuntural l'actual crisis enerxética. Céntrase nel cambéu de modelu, nel mediu ambiente col desenvolvimientu d'investigaciones como la captura de CO2 pa faer combustible verde.

La otra pata que sostién a la hullera ye'l turismu, les actividaes impulsaes nos últimos años van tener continuidá con un proyectu yá l'añu que vien.

Tamién se trabaya na reutilización de les mines zarraes, avanza un proyectu de la industria agroalimentaria nel Pozu Carrio​ y estúdiase otru rellacionáu cola investigación y de la mano de la Universidá d'Uviéu.