IX descarta sancionar a Llamazares y que vaya a romper la unidá del partíu

La coalición ta molesta tanto col fondu como pola forma

IX d’Asturies ta molesta col so cabezaleru nel parllamentu asturianu, Gaspar Llamazares, tanto col fondu como polaforma cola que dio anuncia de la creación d’un nuevu partíu, "Actúa", decisión que pa la dirección de la coalición nel Principáu nun va llevar sanciones nin pon en riesgu la unidá de la formación.

El coordinador xeneral d’IX Asturies, Ramón Argüelles, y el secretariu d’Organización, Alejandro Suárez, quier entrevistase personalmente con Llamazares, quiciabes mañana, pa pidi-y más esplicaciones de les que nes últimes hores yá-yos dio telefónicamente por rexistrar el miércoles col xuez Baltasar Garzón esi partíu, col que podría optar a les elecciones de 2019.

De mano, esa decisión nun va a la escontra de los estatutos de la coalición, según reconoció Argüelles, si bien insistió en que ye daqué "desagradable" que va esixir una solución política, porque nun se pue almitir que’l cabezaleru d’IX nel parllamentu asturianu faiga declaraciones que nun tengan que ver col proyectu políticu de la coalición.

Sicasí, de mano los estatutos nun conseñen sanciones pola creación d’un partíu nin la dirección baraxa, de mano, qu’esti seya apartáu como cabezaleru del grupu d’IX na Xunta Xeneral del Principáu, un cargu que deciden los diputaos integrantes del mesmu, pero que, por tradición política de la coalición, decide la dirección política, según Suárez.