Inxeniería asturiana pal sistema d'evacuación de pasaxeros

En castellano: Ingeniería asturiana para el sistema de evacuación de pasajeros

Los túneles de la variante cunten con tres galeríes d'evacuación en casu d'emerxencia

Autecnia, una inxeniería asturiana, encargóse de dixitalizar el sistema d'emerxencia pa la evacuación de pasaxeros en casu d'incidencia dientro de los túneles de la variante. El sistema contrólase dende Lleón y actívase nel momentu en que cualquier persona abra una de les salíes d'emerxencia.

Ye un simulacru pero pa qu'esta evacuación seya posible dientro de los túneles de la variante hai una coreografía dixital programada, esplica Rubén García Suárez, inxenieru n'Autecnia.

Detrás d'esti procesu ta la inxeniería asturiana Autecnia y unos autómates qu'empecipien el procesu.

A esto amiesta un sistema de ventilación específicu pa fumu que s'activa manualmente, esplica Emilio García Fuertes, inxenieru n'Autecnia

Los túneles de la variante cunten con tres galeríes d'evacuación en casu d'emerxencia.

Comparte