Inxeniería o Marina Civil namás tienen un 5% d'alumnes frente al 89% d'Enfermería, Pedagoxía o Educación

Dende la Universidá defenden intervenir dende Infantil y Primaria pa facer ver a les neñes que puen estudiar cualquier carrera

La directora d’Igualdá de la Universidá d’Uviéu defendió güei intervenir nes etapes educatives dende Infantil y Primaria pa facer ver a les neñes que puen estudiar cualquier carrera. Díxolo nun actu institucional pel 8 de marzu nel que se proyectó un videu nel que tola comunidá educativa: dende estudiantáu, profesoráu o personal d’alministración y servicios, cunten quién son los sos referentes.

Paz Menéndez asegura qu’hai estudios como Inxeniería o Marina Civil que namás cunten con un 5% de muyeres ente’l so alumnáu, llegando al 13% n’informática, pero que choca col 89% de muyeres en carreres como pedagoxía, enfermería o educación infantil.

Amás, asegura que se produz un efectu tisoria porque, anque hai más moces que se titulen, eso nun se traduz en meyores condiciones nin accesu al trabayu.