Izquierda Xunida d'Asturies, Cantabria y Castiella y Lleón quieren una gobernanza conxunta pa Picos

El modelu de coalición favorecería los ecosistemes y la promoción del parque nacional

Izquierda Xunida d'Asturies, Cantabria y Castiella y Lleón quieren una gobernanza conxunta de les tres comunidaes autónomes sobre'l Parque Nacional de Picos d'Europa. Nuna xornada pionera pa la coalición, entamada en Cangues d'Onís, axuntaron a representantes de les tres federaciones pa proponer esti modelu que favorecería los ecosistemes y la promoción del Parque.

Les federaciones d'Izquierda Xunida d'Asturies, Cantabria y Castiella y Lleón quieren una gobernanza conxunta de les tres rexones pal Parque Nacional de los Picos d'Europa.

Décades dempués de la fundación del parque incluyéronse territorios de Cantabria y Castiella y Lleón. Cada autonomía tien competencies propies y comunes, pero nunca hebo plan rector común. Cantabria tien agora la dirección de turnu y, según l'agrupación autonómica, tien planes al marxe de la coesistencia ente ganadería y biodiversidá.

La xunta, pionera pa Izquierda Xunida, propón una xestión unificada y coordinada.

La unidá ente tres gobiernos de distintu color políticu ye difícil, pero animen a dar el pasu definitivu.