Jeison Franco gana'l Campeonatu d'Escanciadores d'Asturies

Los concursantes reclamen una categoría profesional pa los escanciadores

Jeison Franco, de la sidrería El Madreñeru de La Pola (Siero), foi reconocíu esti xueves como'l Campeón d'Asturies d'Escanciadores.

Tres algamar dos subcampeonatos y ocho años participando, ganó por un puntu al dos vegaes campeón Wilkin Aquiles.

Los concursantes volvieron reclamar una categoría profesional pa los escanciadores. Anque, reconocen que'l caché meyora al ganar nesti campeonatu de quince pruebes.