Kiko Urrusti ye la tercera xeneración d'una familia d'artistes del fierro

So güelu, Rafael Rodríguez, ye autor de delles obres visibles per tou Uviéu

Entrar nel taller del escultor Kiko Urrusti, nos baxos de la ilesia de San Xuan El Real, ye entrar nún de los sitios con más historia y más tradición escultórica d’Uviéu.

Él ye la tercer xeneración d’una saga qu’entamó so güelu, Rafael Rodríguez Urrusti, y que siguió so padre Antonio. Con ellos dio Kiko los sos primeros pasos.

Rafael Rodríguez Urrusti, so güelu, foi un maestru escultor formáu na Escuela d’Aprendices de la Fábrica d’Armes de La Vega, que nos años 60 del sieglu pasáu formó la so propia empresa de cerraxería artesanal, puntu de partida, al empar, de la so faceta más artística, de la que dan fe escultures per tou Uviéu.