L’históricu quioscu de los capuchinos de Xixón tresformaráse en bar

La ciudá ye una de les poques que conserven estes microarquitectures

Les microarquitectures son elementos de gran valor pero que poques ciudaes caltienen. Xixón ye una d’elles. Los quioscos urbanos de piedra son unu d’esos elementos catalogaos y agora, dempués de recuperar el de La Plazuela San Miguel, ultímense les obres pa dar una segunda vida, venceyada a la hostelería, al quioscu asitiáu malapenes unos metros frente a la ilesia de los capuchinos.

Corríen los años 50 del sieglu pasáu cuando l’ayuntamientu xixonés autorizó esta construcción pa dar abellugu al serviciu d’una gasolinera. Al quioscu de Los Campos o tamién de los capuchinos, que forma parte del patrimoniu catalogáu, quedó-y por tercer nome’l del so primer inquilinu, la familia Valiño.

La reinvención d’esti espaciu produzse gracies a un plan municipal, que quier remocicar la imaxe estrozada y dar una segunda vida a aquellos, mui pocos yá, namái tres, quioscos urbanos de piedra qu’entovía tán en pie na ciudá.