L'Acuariu de Xixón desendolca actividaes nel ámbitu de la educación mediuambiental

Cerca de 20.000 neños y neñes participen cada añu nos sos talleres

Dende visites guiaes, pasando por talleres sobre temátiques más concretes, hasta campamentos de branu. La educación enfocada al respetive de la naturaleza forma parte de la filosofía del Acuariu asegura Brezo del Riego, responsable d’educación del Acuariu de Xixón.

Un trabayu difícil orientáu a descubrir les maraviyes qu’escuenden los mares y la necesidá de caltener esti patrimoniu. Valores que se tresmiten a 20.000 neños y neñes tolos años.

Pero esti llabor divulgativu algama tamién al públicu adultu gracies a un variáu abanicu d’actividaes. Y esta concienciación col entornu nel que s’asitia l’Acuariu complétase col Centru de recuperación d’animales d’Asturies. Anguaño dos tortugues alcontraron equí refuxu.