L'Amuravela por David Carragal

El tradicional pregón entamó con un minutu de silenciu

Minutu de silenciu en Cuideiru na alcordanza d'un vecín, el mozu David Carragal afrelláu mortalmente esti mes de xunu nes fiestes de La Florida n'Uviéu.

Asina entamó'l tradicional pregón de L'Amuravela que cada añu recita'l compositor Cesáreo Marqués, anguaño dedicáu al mozu pixuetu.

Darréu, en versu y en pixuetu un añu más Césareo cuntó-y a San Pedro tolo socedío nel últimu añu. Fízolo nun aplaudíu sermón onde nun faltaron referencies a les cuotes pesqueres, al mal tiempu o a temes más locales.

Una fiesta que cada 29 de xunu repítese en Cuideiru dende fai más de cinco sieglos pa que San Pedro tea al tantu de tolo que pasa nel mundu.