L'Asociación Profesional de Suboficiales denuncia la precarización de la carrera militar

Peñarrolla denuncia la escasa actualización de les remuneraciones de los militares a pesar de que'l presupuestu de Defensa aumentó nos últimos tiempos

L'Asociación Profesional de Suboficiales de les Fuerces Armaes (Asfapro) denunció esti vienres los baxos salarios de los militares, en relación a otros cuerpos de seguridá, y les precaries condiciones d'una carrera que ye d'altu riesgu.

Nuna rueda de prensa celebrada n'Uviéu por mor del Día de les Fuerces Armaes. El so actu central faise mañana na capital asturiana, y el presidente del colectivu, qu'axunta a unos seis mil militares n'activo y na reserva, Mikel Peñarolla, pidió que "se dexe de tratar al personal militar como si fueren voluntarios d'una oenegué que tán namás por altruísmu".

Peñarrolla denunció la escasa actualización de les remuneraciones de los militares a pesar de que'l presupuestu de Defensa foi aumentáu nos últimos tiempos. Y ye que "la familia militar tien unos ingresos perpequeños".