L'Ayuntamientu quier quitar los tráficos pesaos de Xixón, concentraos nes entraes y salíes a El Musel

L'alternativa que propón ye'l segundu túnel que foi construyíu en paralelu al antiguu túnel d'Aboño

L’Ayuntamientu de Xixón aconceyará’l llunes col Principáu pa buscar el so sofitu a que l’Autoridá Portuaria quite los tráficos pesaos de la ciudá, concentraos nes entraes y salíes a El Musel. L’alternativa que propón ye’l segundu túnel que foi construyíu en paralelu al antiguu túnel d’Aboño.

"El Gobiernu local quier llegar col mayor pesu a la xunta de siguimientu del 6 de marzu viniente onde, amás de l’Autoridá Portuaria, tarán presentes les empreses afitaes n’El Musel y a les que posiblemente nun guste un percorríu más llargu y poro, más costosu, pero qu’evitaría que miles de camiones pesaos atraviesen al mes el corazón de La Calzada a la espera de la construcción del Vial de Xove", apunta Rodrigo Pintueles, conceyal de Mediu Ambiente y Sostenibilidá en Xixón.

El Gobiernu ta nello. Sedrá amás un estudiu non solo de la zona oeste sinón de tola población de Xixón y a falta de concretar cola Universidá’l so desendolcu, yá tienen aseguraos fondos propios pa pagalu esti mesmu añu.